9e. De Pluriel vu franséische Wierder

1. Déi lëtzebuergesch Plurielsendungen -en oder -er ginn un dat franséischt Wuert am Singulier drugehaangen, fir e Pluriel auszedrécken:
   Accidenter, Approchen, Bijouen, Trottoiren
2. De Pluriel bei Wierder, déi mat engem stommen e ophalen, gëtt mat engem -n hannen um Wuert markéiert:
   Garagen, Orangen, Plainten
3. Bei Substantive mat kuerzem betountem Vokal ginn am Pluriel d’Schlusskonsonante verduebelt:
   Amicale – Amicallen, Coupe – Couppen, Toile – Toillen,
   Bourse – Bourssen

Remark (betrëfft de Punkt c.):

Bei verschiddene Wierder kann de Schlusskonsonant net verduebelt ginn, well en sech net dofir eegent oder well e schonn am Singulier verduebelt ass:
eng Glace – zwou Glacen, eng Moyenne – zwou Moyennen