9c. Franséisch Wierder: Weider Remarken

1. Franséisch Wierder behalen den Accent grave, den Accent circonflexe an de ç:
   Barrière, Boîte, Salle à manger, Garçon
2. Franséisch Wierder behalen den Accent aigu just an der Endsilb oder bei Substantiven, déi aus méi Wierder zesummegesat sinn:
   - mat Accent: Employé, Musée, Assemblée générale
   - ouni Accent: Decisioun, Epicerie, Reunioun
3. Adjektiver mat engem stommen e kënnen en n oder en t ugehaange kréien:
   en efficacen Aarbechter, en efficacet Medikament
   Fält duerch d'n-Reegel den n ewech, da gëtt den e um Enn vum Wuert als ë duer­gestallt:
   en efficacë Geste
4. Adjektiver aus dem Fran­séischen, déi um Enn en c hunn, kréien entweeder e k oder en t ugehaangen:
   sec – e secken Typ – e sect Urteel