9b. Franséisch Wierder

Franséisch Wierder kënnen a verschidde Kategorien agedeelt ginn:

1. Wierder, déi onverännert aus dem Franséischen iwwerholl ginn:
   Accès, Boîte, Concours, Foire
2. Wierder, déi eng lëtzebuergesch Endung hunn:
   Coiffer, Ensembel, Timber
3. Wierder, déi als agebiergert gëllen an un d'Lëtzebuerger Recht­schrei­wung ugepasst sinn:
   Forschett, Keess, Potto, Riddo
4. Wierder, déi eng integréiert an och eng franséisch Variant hunn:
   Damm – Dame, effikass – efficace, Ekipp – Equipe, Mull – Moule, Retusch – Retouche

Remark

D'Aussprooch kann a verschiddene Fäll d'Schreifweis festleeën, jee nodeem, ob se sech um Lëtzebuergeschen oder um Franséischen orientéiert: fonctionéieren – funktionéieren