6h. Eenzel Konsonanten: k, q, x

1. De k gëtt mat ck verduebelt:
   baken – Bäcker, Sak – Säck
2. No kuerzem Vokal gëtt an enger betounter Silb ëmmer ck geschriwwen, an enger onbetounter Silb dogéint k:
   Dreck, Lastik
3. Wann tëschent dem Laut [k] an dem Vokal hannendrun en hallwen [u] geschwat ass, gëtt dëse Laut mat qu geschriwwen:
   Quetsch, quokeleg, gequäält
4. Fir de Laut [k] gëtt et ënnerschiddlech Schreifweisen, déi een net op eng Grondreegel zeréckféiere kann:
   Akkordeon, Cabaret, Charakter, Occasioun, Quartier
5. Fir de Laut [ks] gëtt et ënnerschiddlech Schreifweisen, déi een net op eng Grondreegel zeréckféiere kann:
   Béchs, gierksen, Box, beducksen, Succès
6. E laang geschwate Vokal virum x muss am Schrëftleche verduebelt ginn:
   Aaxestill