5a. D'r-Reegel: ä, o virum r

Wann déi laang geschwate Vokalen ä oder o virum Konsonant r stinn, stellt sech d'Fro, ob am Schrëftlechen en e virum r geschriwwe gëtt oder net, well den e geschwat gëtt.

1. Wierder mat ä:
   Wierder mat ä gi just da mat e virum r geschriwwen, wann nach e Konsonant hanner dem r steet: Äerd, gekläert
   Steet den r eleng als Konsonant nom ä, gëtt keen e virum r geschriwwen: ären, Här, Stär
2. Wierder mat o:
   Bei Wierder mat o gëtt den e virum r da geschriwwen, wann e getrennt vum o geschwat gëtt:
   boer, Hoer, Joer, kloer, moer
   kloert Waasser, moert Fleesch
   Wann d'Aussprooch ännert an den r an eng nei Silb iwwerholl gëtt, da verschwënnt deen e:
   jorelaang, mat borem Geld

Remark (betrëfft de Punkt a.):

D'Suffixe ginn eenzel gekuckt a ginn net matgezielt fir d'Konsonanten hanner dem r. Et gëtt deemno keen e virum r geschriwwen:

Märchen, järlech